ಕಥಾಸಾರ: ಎಲ್ಲಾ ಧರ್ಮಶಾಸ್ತ್ರಗಳ ದೃಷ್ಟಿಯಲ್ಲಿಯೂ, ಗಂಡು - ಹೆಣ್ಣು ಸಮ. ಆದರೆ ಗಂಡು, ಧರ್ಮದ ವಿಧಿವಿಧಾನಗಳನ್ನು ತನಗೆ ಬೇಕೆನಿಸಿದಂತೆ ಅರ್ಥೈಸುತ್ತಾ ಹೆಣ್ಣನ್ನು ಕೇವಲ ಭೋಗವಸ್ತು ವಾಗಿಸಿಕೊಂಡಿದ್ದಾನೆ. ಇಸ್ಲಾಂನಲ್ಲಿ ವ್ಯಭಿಚಾರ ಕ್ರೂರ ಶಿಕ್ಷಾರ್ಹ ಮಹಾಪರಾಧ. `ನಿಖಾಹ್' ಮತ್ತು `ತಲಾಖ್'ಗಳನ್ನು ತನಗನುಕೂಲವಾಗುವಂತೆ ಅರ್ಥೈಸುವ ಗಂಡು, ಹೆಣ್ಣನ್ನು ಭೋಗದ ವಸ್ತುವನ್ನಾಗಿ ಬಳಸಿಕೊಳ್ಳುವುದರ ವಿರುದ್ಧ ಬಂಡಾಯ ಏಳುವ ಹೆಣ್ಣೊಬ್ಬಳ ಕಥೆ. ಮುತ್ತುಚೇರ ಗ್ರಾಮದಲ್ಲಿ ವ್ಯಾಪಾರಕ್ಕಾಗಿ ಬರುವ ಅರಬರಿಗೆ ಹಳ್ಳಿಯ ಹೆಣ್ಣುಗಳನ್ನು ನಿಖಾಹ್ ಮಾಡಿಕೊಡುವುದು. ನಿಖಾಹ್ ಮಾಡಿಕೊಂಡ ಅರಬರು ಕೆಲವೆರಡು ತಿಂಗಳು ಆ ಹೆಣ್ಣುಗಳಿಂದ ಸುಖಪಡೆದು ತಲಾಖ್ ನೀಡಿ ಅವರನ್ನು ಹಳ್ಳಿಗೆ ವಾಪಾಸು ಕಳಿಸುವುದು ಹಲವು ಶತಮಾನಗಳಿಂದ ನಡೆದುಬಂದ ಪದ್ಧತಿ. ಹಾಗೆ ನಿಖಾಹ್ ಆದ ಹೆಣ್ಣೊಬ್ಬಳನ್ನು ಗಂಡು ಪ್ರೀತಿಸಿ ತಲಾಕ್ ನೀಡದೆ ಮರಳಿ ಬರುವುದಾಗಿ ಹೇಳಿ ಹೋದವ ತಿರುಗಿ ಬಾರದಿದ್ದಾಗ ಆ ಹೆಣ್ಣು ಆ ಸಂಪ್ರದಾಯದ ವಿರುದ್ಧ ತಿರುಗಿಬಿದ್ದು, ಪ್ರತಿಭಟಿಸಿ, ಗೆಲ್ಲುತ್ತಾಳೆ.