ಕ.ಸಾ: ಸ್ವಾತಂತ್ರ್ಯ ಬಂದ ತರುಣದಲ್ಲಿನ ಸಾಮಾಜಿಕ ಬದಲಾವಣೆಗಳು ತಾಯಿಸಾಹೇಬಳ ವೈಯಕ್ತಿಕ ಪ್ರಪಂಚದಲ್ಲಿ ಮಾಡುವ ಪರಿಣಾಮಗಳ ಚಿತ್ರಣ. ಸಾಮಾಜಿಕವಾಗಿ ಸ್ವಾತಂತ್ರ್ಯ ಹೋರಾಟಗಾರರಾದರೂ ವೈಯಕ್ತಿಕವಾಗಿ ಜಮೀನ್ದಾರಿ ನಿಲುವುಳ್ಳವರು. ಮೊದಲ ಹೆಂಡತಿ ವಿರಕ್ತೆ. ತಾಯಿಸಾಹೇಬ ಎರಡನೇ ಹೆಂಡತಿ. ಚಂದ್ರಿ `ಇಟ್ಟುಕೊಂಡ' ಹೆಂಡತಿ. ತಾಯಿಸಾಹೇಬಳ ಒಂಟಿತನ ನೀಗಲು ಸೋದರ ಸಂಬಂಧಿಯ ಮಗನನ್ನು ದತ್ತು ತೆಗೆದುಕೊಳ್ಳುತ್ತಾರೆ. ತಾಯಿಸಾಹೇಬ ಪ್ರೀತಿಯಿಂದ ಸಾಕುತ್ತಾಳೆ. ಸೋದರ ಸಂಬಂಧಿ ಮನೆಯ ವ್ಯವಹಾರದಲ್ಲಿ ಮೂಗು ತೂರಿಸತೊಡಗಿದಾಗ ತಾಯಿಸಾಹೇಬ ಮತ್ತು ಚಂದ್ರಿ ಒಂದಾಗುತ್ತಾರೆ. ಬೆಳೆದ ದತ್ತು ಮಗ ಚಂದ್ರಿಯ ಮಗಳನ್ನೇ ಮದುವೆಯಾಗುವ ನಿರ್ಧಾರ ಮಾಡಿದಾಗ ತಾಯಿಸಾಹೇಬ ದತ್ತಕವನ್ನು ರದ್ದು ಮಾಡುತ್ತಾಳೆ. ಸೋದರ ಸಂಬಂಧಿಯಿಂದ ತನಗೆ ತೊಂದರೆಯಾಗಬಹುದೆಂಬ ಅರಿವಿನ ನೆಲೆಯಲ್ಲಿ ಪೋಲೀಸರಿಗಾಗಿ ಕಾಯುತ್ತಾ ಕೂರುತ್ತಾಳೆ. ಉದಾತ್ತ ಗುಣದ ತ್ಯಾಗಜೀವಿ ಹೆಣ್ಣಿನ ಸುತ್ತ ಹೆಣೆದ ಕಥೆ.