ಕ.ಸಾ: ಅಕ್ಕನನ್ನು ಬಿಟ್ಟರೆ ಬೇರಾರೂ ಇಲ್ಲದ ಕೊಳೆಗೇರಿಯ ಬಾಲಕ ಕ್ಯಾತ. ಅಕ್ಕನದು ವೇಶ್ಯಾವೃತ್ತಿಯ ಬದುಕು. ಮೈಮಾರಿ ಬದುಕುವ ಅಕ್ಕನಿಗೆ ತಮ್ಮನನ್ನು ವಿದ್ಯಾವಂತನನ್ನಾಗಿಸುವ ಹಂಬಲ. ನೆರೆಯ ಪದ್ದಿ. ಅವಳಿಗೆ ಸಿನಿಮಾ ತಾರೆಯಾಗುವ ಹಂಬಲ. ಆ ಪರಿಸರದಲ್ಲೇ ಕುಡುಕ ಜೂಜುಕೋರನ ಕುಟುಂಬ. ಬೆಳಿಗ್ಗೆ ಕೂಲಿ ಮಾಡಿ ರಾತ್ರಿ ಸೂಳೆಗಾರಿಕೆ ಮಾಡುವ ಅಕ್ಕನನ್ನು ತಮ್ಮ ಆಕ್ಷೇಪಿಸುತ್ತಾನೆ. ಕೊನೆಗೆ ಕೊಳಗೇರಿ ಬಿಟ್ಟು ಅನಾಥಾಶ್ರಮ ಸೇರುತ್ತಾನೆ ತಮ್ಮ. ಕನ್ನಡ ಚಳವಳಿ ಹೆಸರಿನಲ್ಲಿ ಹಣ ಸಂಗ್ರಹಿಸಿ ಕುಡಿಯುವುದು, ರಾಜಕೀಯ, ಚುನಾವಣೆ, ಶಾಲೆಗಳಲ್ಲಿನ ಡೊನೇಷನ್ ಹಾವಳಿ, ವಿದ್ಯಾರ್ಥಿಗಳ ವಿಚಿತ್ರ ರೀತಿ - ನೀತಿ, ಅಧ್ಯಾಪಕರ ಅಸಡ್ಡೆ ಎಲ್ಲದರ ದರ್ಶನವೂ ಆಗುತ್ತದೆ. ಪಿ.ಲಂಕೇಶ್‌ರ `ಅಕ್ಕ' ಕಾದಂಬರಿ ಆಧರಿಸಿದ ಚಿತ್ರ.